....अन रेती चोर पळाले ; सोमणपल्ली हेटी घाटातील प्रकार ;चोर गावनेते असल्याची चर्चा

                      छायाचित्र इंटरनेट वरुन साभार

धाबा

टाळेबंदीत अवैध धंद्यांना उत आलेला आहे. टाळेबंदीचा फायदा घेत रेतीची चोरी करण्यासाठी गेलेल्या गावनेत्यांची चांगलीच फजिती घडल्याचा प्रकार तालूक्यात घडला आहे.या प्रकाराची खमंग चर्चा तालूक्यात सूरु आहे.

कोरोना विषाणूची दहशत जगावर पसरली आहे.विषाणूचा संसर्ग टाळण्यासाठी देश टाळेबंद झालेला आहे. शासन,प्रशासन लढा दिवसरात्र सूरु आहे. मात्र काहीना देश्यावर ओढावलेल्या संकटाची कणभर चिंता नसल्याचे दिसून येत आहे.टाळेबंदीत अवैध धंदे करण्याचा सपाटाच काहीनी चालविला आहे. विशेष म्हणजे अवैध धंद्यात गावनेते गुंतले असल्याने संताप व्यक्त केला जात आहे. अश्यात रेतीची चोरी करण्यासाठी गेलेल्या गावनेत्यांची चांगलीच फजिती झाल्याचा प्रकाराची चर्चा तालूक्यात रंगली आहे.चर्चेनुसार गोंडपिपरी तालूक्यातील हेटी नांदगाव नाल्यातील घाटावर तिन ट्रक्टर रेती चोरी करण्यासाठी गेले होते.मजूरा मार्फत ट्रक्टरमध्ये रेतीची भरणा सूरु होती.याच दरम्यान गस्तीवर असलेल्या कर्मचार्यांचे वाहन सोमणपल्ली हेटीत आले. या वाहनाला बघून मजूरांनी आणि  ट्रक्टर चालकांने पळ काढला. ही घटना शनिवारचा रात्रौला घडली असल्याची चर्चा आहे. घाटावर गेलेल्या त्या  ट्रक्टर धाबा गावातील गावनेत्यांचा असल्याची माहीती आहे.

Post a Comment

0 Comments